Vir wie is iALA?

Die teikengroep vir iALA is jongmense in die ouderdomsgroep 17 tot 24 jaar, wat:

• Soek na nuwe uitdagings en gesonde avontuur
• Onseker is oor hul loopbaankeuse of studierigting
• Met hul eerste poging verkeerde loopbaankeuse of studierigting gemaak het
• Klaar studeer het en lus is vir 'n verandering of blaaskans
• Soek na 'n leeftyd se avontuur in een jaar

Aansoekers is onderhewig aan keuring gebaseer op kriteria wat verseker dat iALA die regte program vir hulle sal wees.

• Van aansoekers kan versoek word om keuringsevaluasie en -onderhoude te ondergaan om aanpasbaarheid te bepaal
• By iALA word 'n streng gedragskode in terme van sosiale aangeleenthede soos alkoholgebruik, dwelms, sedelikheid en respek teenoor mede-studente gevolg.
• Getalle word beperk ten einde groepe sinvol hanteerbaar te hou. Die maksimum studentetal vir 2010 word tot 35 beperk. Belangstellendes word aangeraai om so gou moontlik aansoek te doen, aangesien toelating op grond van eerste gekeurdes geskied.
• iALA is op Christelike waardes en beginsels gebaseer

Aansoeke word oorweeg sonder inagneming van geslag, taal, bevolkingsgroep, geloofsoortuiging of kultuur.